ജാലകം

"ജാലകം-അടച്ചിട്ട മനസിന്റെ കാഴ്ചയാണ് ......മനസ്സ് ശൂന്യമാണ്....ശേഷിക്കുന്നത് നിറമില്ലാത്ത ചുവരില്‍ കോറിയിട്ട അര്‍ത്ഥങ്ങളില്ലാത്ത അക്ഷരകൂട്ടങ്ങള്‍ മാത്രം,ബാല്യത്തിന്‍ മുടന്തലും...."

Wednesday, January 29, 2014

തിരയുന്നത്......!!!

കരഞ്ഞു തീര്‍ത്ത
മഴവെള്ള ചാലുകളില്‍
കളിവള്ളം ഒഴുക്കി
രസിക്കുകയാണ് ഞാന്‍ ..!!

കൊടും ചൂടില്‍ പൊള്ളിയമര്‍ന്ന
പാടങ്ങളില്‍
ബാക്കി വെച്ച പതിരുകളില്‍
വീണു പോയ കതിരുകള്‍
തിരഞ്ഞു നടക്കുകയാണ് ഞാന്‍ ...!!

പാറക്കൂട്ടങ്ങളോട്
തല തല്ലി പതം പറഞ്ഞ
കടലിന്‍ മനം തേടി
മുങ്ങാം കുഴിയിട്ടു
ആഴങ്ങള്‍ തിരയുകയാണ് ഞാന്‍ ..!!

ജിത്തു
വെന്മേനാട്