Saturday, January 18, 2014

സ്നേഹരാഗം !












താരകളെ എന്‍ പ്രണയമാ അലതന്‍
ഞൊറികളില്‍ മിന്നുമതു നിനക്ക് കാണാം.
തുളുമ്പിയൊഴുകും മനമീ മണല്‍ത്തീരമതില്‍
നിന്‍പേര്‍കുറിയ്ക്കുമതു നിലാമഴയില്‍ കാണാം !!

മോഹിനി നിന്നെ കുറിച്ച് പാടും വരികള്‍
മൂളി വരുമൊരു തെന്നലില്‍ കേള്‍ക്കാം
മൗനത്തിന്‍ സുഗന്ധം നിശാഗന്ധിതന്‍
മനമതിലെന്‍ സ്വപ്നം വിതയ്ക്കുവതറിയാം !!

മിഴിയിലൊളിപ്പിച്ച സ്നേഹരാഗമൊരു
മുളംത്തണ്ടിലുതിര്‍ന്നു വരുവതുമറിയാം
സന്ധ്യാംബരം ലജ്ജയാല്‍ തുടുത്തതില്‍
കാത്തു വെച്ച മുത്തം ചുവപ്പതു കാണാം .!!

ഇലകള്‍ ചുംബിച്ചുണര്ത്തും മോഹങ്ങള്‍
അടരാന്‍ മടിയ്ക്കു തുഷാരകണങ്ങളായ്
നിന്നിലലിയാന്‍ കൊതിയ്ക്കുമെന്‍ കനല്‍
കനവുപോല്‍ പറ്റിപിടിച്ചിരിയ്ക്കുവതുമറിയാം !!

പ്രാണേശ്വരന്‍ അരുണനലയും വാനില്‍
പാര്‍വ്വണേന്ദുവുമൊരി,ത്തിരി നേരമിരിയ്ക്കാന്‍
ഇണയെ തിരയും പിറാവിന്‍ കുറുകലായ്
ഇരവില്‍ തേടിയലയുമീയെന്നെയും കാണാം ..!!

_ജിത്തു_
വെന്മേനാട്

സമര്‍പ്പണം : എന്റെ പ്രിയതമയ്ക്ക്  ;)

2 comments:

  1. പ്രിയതമയ്ക്കായ് പ്രിയതമന്റെ നല്ലൊരു സ്നേഹസമ്മാനം.

    നല്ല കവിത

    ശുഭാശംസകൾ....

    ReplyDelete