Monday, March 28, 2011

ഭീരു


പടരുന്നു കള്ളങ്ങള്‍ ,കൊള്ളകള്‍ ഉലകില്‍ ..
പകരുന്നു ജാതിമതഭേദമെന്നാകിലും..
തളരാതെ തോഴാ, വളരുന്ന ച്യുതിയില്‍..
ശപിക്കാതെ നീയും തപിക്കുമെന്‍ ഭൂവിനെ..

കുറ്റവാളികള്‍, അവര്‍, പലരുണ്ട്  ചുറ്റില്‍-
അവരില്‍ നീയില്ല , ഞാനില്ല
നമ്മളിലൊരാള്‍ പോലുമില്ല..
അവരെത്ര തുച്ഛം ഓര്‍ക്കുക നിത്യം.

പ്രളയം മുടിച്ചേക്കാം തീമഴ പെയ്യാം  
മനംനൊന്തൊരു  സൂര്യന്‍ കടലില്‍ മറഞ്ഞേക്കാം
സന്ധ്യ തന്‍  മാറില്‍  നിരാശനാം പുലരി,
നിശയാം ഇരുളിനെ പുല്‍കി മയങ്ങാം
 

ജ്വലിക്കുന്ന  മനവുമായ്‌  മറ്റൊരു  സൂര്യന്‍
പുതുപുലരിയുമായ്  വരവുണ്ടതറിയുക .
കാണട്ടെ  നിന്‍  മിഴിയിലുമാ സൂര്യന്റെ സ്വപ്നം
തളിര്‍ക്കട്ടെ നിന്‍ വാക്കിലുമീ ശൌര്യം

തളരാതെ തോഴാ, വളരുന്ന ച്യുതിയില്‍..
ശപിക്കാതെ നീയും തപിക്കുമെന്‍ ഭൂവിനെ..
അടരാടി മരിക്കുന്ന പോരാളിയാവാം
ഭയന്നോടി മറയും ഭീരുവാവാതെ നോക്കാം

_Jithu_
Abudhabi 

11 comments:

  1. അവരില്‍ നീയില്ല , ഞാനില്ല
    നമ്മളിലൊരാള്‍ പോലുമില്ല..

    ReplyDelete
  2. നീയും ഞാനും ഇല്ലാത്ത ലോകം തന്നെ...
    അവരും ഉണ്ടാകരുതേ എന്ന് പ്രത്യശിയ്ക്കാം..
    വീണു പോയവരെ ഊര്‍ജ്ജം നല്‍കി ഉണര്‍ത്താം...പൊസിറ്റീവ് എനര്‍ജി നല്‍കുന്ന വരികള്‍ ,കൊള്ളാം..

    ജിത്തൂ ന്റ്റെ മഴ ചിത്രങ്ങള്‍ കാണാന്‍ ഇവിടെ വരാം ട്ടൊ.
    http://peythozhiyan.blogspot.com/

    ReplyDelete
  3. നല്ല ചിന്തകള്‍.. നല്ല വരികള്‍
    ആശംസകള്‍

    ReplyDelete
  4. ജ്വലിക്കുന്ന മനവുമായ്‌ മറ്റൊരു സൂര്യന്‍
    പുതുപുലരിയുമായ് വരവുണ്ടതറിയുക .

    ..............?

    ReplyDelete
  5. ഇനിയുമൊരു പുലരി ഉണ്ടെന്നറിയുന്നത് തന്നെ ആശ്വാസം...നന്നായി സഖേ...

    ReplyDelete
  6. നന്നായിരിക്കുന്നു ജിത്തൂ......!!
    വളരുന്ന ച്യുതിയില്‍ എന്ന വരി മാത്രം ഒന്നു ശ്രദ്ധിക്കുക..!
    ഇതില്‍ ച്യുതി എന്ന വാക്ക് ചേരാത്തത് പോലെ..!!
    ച്യുതി എന്ന വാക്കിനു വീഴ്ച , നാശം എന്ന അര്‍ത്ഥം കൂടാതെ വേറേ എന്തെങ്കിലുമുണ്ടെങ്കില്‍ എനിക്ക് തെറ്റുപറ്റിയതാവാം..!!!
    ഒന്നു ചെക്ക് ചെയ്യൂട്ടൊ..!!
    അഭിനന്ദനങ്ങള്‍ ..!

    ReplyDelete
  7. നന്നായിരിക്കുന്നു.
    അഭിനന്ദനങ്ങള്‍

    ReplyDelete
  8. _Jithu_

    വര്‍ഷിണി.......(മഴച്ചിത്രങ്ങള്‍ കാണാന്‍ ഞാന്‍ വരാം കേട്ടോ..)..,
    ചെറുവാടി.......,
    മോഇദീന്‍ അങ്ങാടിമുഗര്‍....(.... ഈ ചോദ്യ ചിഹ്നം എനിക്കീ പോസ്റ്റ്‌ ഇട്ടപ്പോളും ഉയര്‍ന്നിരുന്നു.....ഇതിടണോ എന്നു...ഹി)
    സീത.......,
    മനു കുന്നത്ത്.....( സത്യത്തില്‍ ഞാനും വീഴ്ച എന്നു തന്നെ ആണു ഉദ്ദേശിച്ചത് .....നന്ദി..):
    ബെഞ്ചാലി.....:@ എല്ലാവര്‍ക്കും എന്റെ നന്ദി..

    ReplyDelete
  9. നന്നായി.. എങ്കിലും ഒന്നു കൂടെ..!ഇവിടെ മാത്രം എന്തോ ഒരു വരികൾക്ക്‌ താള ഭംഗം പോലെ...ആശയം നന്നായിരുന്നു എങ്കിലും...

    ---------------------------
    കുറ്റവാളികള്‍, അവര്‍, പലരുണ്ട് ചുറ്റില്‍-
    അവരില്‍ നീയില്ല , ഞാനില്ല
    നമ്മളിലൊരാള്‍ പോലുമില്ല..
    അവരെത്ര തുശ്ചം ഓര്‍ക്കുക നിത്യം.
    ----------

    ഒരു പക്ഷെ എന്റെ ചൊല്ലലിന്റെ പ്രശ്നമാകാം! ...ബാക്കിയൊക്കെ നന്നായിരുന്നു.. ഭാവുകങ്ങൾ

    ReplyDelete
  10. “തുച്ഛം“ ആണ് ശരി...

    മൂല്യച്യുതിയേൽക്കാതെ മുന്നോട്ട്.... :-)

    ആശംസകൾ...

    ReplyDelete
  11. മാനവധ്വനി........:(സത്യം പറയാമല്ലോ..എനിക്കാ വരികള്‍ മാത്രമാണിഷ്ടപ്പെട്ടത്‌.......ആകെകൂടി എന്തോ ഒരു ചന്തം കുറവ് പോലെ ല്ലേ..! നന്നാക്കാന്‍ ശ്രമിക്കാം കൂട്ടുകാരാ....നന്ദി.)

    തൂലിക......: ഇപ്പോള്‍ തിരുത്തി എന്നു ചോദിച്ചാല്‍ മതി സഖേ...നന്ദി

    ReplyDelete