കാലന് കോഴി കാലത്ത് കൂവുമ്പോള്
കണ്ണും തിരുമി തൂമ്പയെടുക്കണം
പൊരി വെയില് കൊള്ളണം പറമ്പിലുറങ്ങണം
നാടായ നാടെല്ലാം നടുവൊടിക്കണം
മഞ്ഞെല്ലാം കൊണ്ടാലും മാനം പോയാലും
ആരാന്റെ വായിലെ ചീത്തയും കേട്ടാലും
കൊത്തി പെറുക്കിയരവയര് നിറയ്ക്കുവാന്
അന്നം തിരയണം തളരാതെ നില്ക്കണം
കുടിലിലെ പെണ്ണിന് പൊന്നുരുക്കണം
ക്ടാവ് കരയുമ്പോള് സ്വപ്നങ്ങള് നല്കണം
കുശിനിയില് കലത്തിലെന് കനവുകള് വേവണം
കനലെരിയുമ്പോള് കരിയാതെ നോക്കണം
ചിരിച്ചു മയക്കുന്ന ഇരുകാലി മൃഗങ്ങളും
റാകി പറക്കുന്ന ചെമ്പരുന്തും
ചുറ്റി പറക്കവേയുറങ്ങാതെ നില്ക്കുവാന്
ചങ്കൂറ്റമുള്ളവന് തന്നെ വേണം .
വടക്കേലെ നാണി കുണുങ്ങി നടക്കുമ്പോള്
വായ തുറന്നൊന്നും മിണ്ടാതെ നോക്കണം
ഓര്ക്കണം ആണിന്റെ കണ്ണത്രെ പ്രശ്നം
ഒരുങ്ങിയിറങ്ങിയവള്ക്കില്ലത്രയും നാണം
ഇന്നലെ ചൊന്നവളെന്റെ പിടക്കോഴി
മുട്ടയിടില്ല പോല് കട്ടായം
അങ്കവാലുള്ളതും തലപ്പാവ് വെച്ചതും
ആണായി പിറന്നതും കുറ്റമാണോ
ചെന്നായക്കൂട്ടങ്ങള് ചെയ്യുന്ന തെറ്റിനു
ആണായി പിറന്നവനാണോ പഴി.
കൂട്ടത്തില് പോലും നിറം മാറുമോന്തുകള്
പുരുഷന്റെ പീഡകള് ആരു ചൊല്ലാന്..!!!
ജിത്തു
വെന്മേനാട് .. :D
