(ഒരു ഉണ്ണിക്കവിത)
പെണ്ണെന്നോതിയാല് ഇഷ്ടം
ആണെന്ന് ചൊല്ലിയാല് നഷ്ടം.
കൊള്ളാം....!!ഇതെന്തൊരു കഷ്ടം.
അതിന് പൊരുള് എന്തെന്ന് സ്പഷ്ടം...
_Jithu_
Abudhabi
Tuesday, February 8, 2011
Saturday, February 5, 2011
ജീര്ണത
ഇരുളിന് കാമം* നുണയുന്ന മാന്യത,
നിര്ലജ്ജം പുലമ്പുന്നു പൗരുഷം.
കേട്ടേറ്റു പാടുന്നു ചെന്നായകൂട്ടങ്ങള്
നീലക്കുറുക്കന്റെ ചാരെയാ കഥകള്,
പെണ്ണെന്നാല് പെങ്ങളാണമ്മ
യാണെന്റെ പ്രണയിനിയാണെ-
ന്നോതി പഠിപ്പിച്ച മലയാളമണ്ണേ,
ന്നോതി പഠിപ്പിച്ച മലയാളമണ്ണേ,
ഇതെന്തു കഷ്ടം...ജ്വലിക്കുന്നു നെഞ്ചകം.
പുരുഷത്വം പുരുഷന്റെ ആകാരമല്ല ,
പെണ്ണേ നിന്റെ നിറവയറുമല്ല......
ഉണ്മതന് ചാരത്തു വാളോങ്ങി നില്ക്കും
ആത്മാഭിമാനം, ഓര്ക്കുമോ ശിഖണ്ഡികള്..
കുഞ്ഞിളം പൂവിലും മാംസം തിരക്കും
കാട്ടാളാ, കടിച്ചുകീറും മുന്പിതൊന്നറിയുക ..
ഞാനാണെന്ന് കൂവുന്ന ചെന്നായക്കൂട്ടമേ,
ആണല്ല, ആണ്വര്ഗത്തിനൊരപമാനമെന്നും ..
ജീര്ണത,അധമ-നിന് കരങ്ങളിലല്ല
കാമം ചിതലിട്ട ഹൃദയത്തില്ലല്ലോ....
ഉരിഞ്ഞതവളുടെ വസ്ത്രവുമല്ല,
തെളിഞ്ഞത് നിന്റെ നഗ്നതയല്ലോ ...
പൊറുക്കരുതീശ്വര,കൊല്ലരുതെന്നാല്..,
കൊല്ലാതെ കൊല്ലുക നീറട്ടെ നീചന്
യമലോക ദണ്ഡനം, ഇഹലോകം തന്നില്...
മാപ്പില്ല തെല്ലും- വെറുക്കുന്നു സത്യം...
_Jithu_
Abudhabi
Tuesday, February 1, 2011
രക്തസാക്ഷി
ആശയം ഹൃദയത്തിലൊരാവേശമായി
സിരകളിലൊഴുകും കൊടുംകാറ്റായി
പിന്നെയണിചേര്ന്നു വിമോചനം തേടി..
പിന്നെയണിചേര്ന്നു വിമോചനം തേടി..
ഒരു കുടകീഴില് ഒരു കൊടി കീഴില്...
പടയൊരുക്കത്തിലിവന് പോരാളിയായി.
പടവെട്ടി തലവെട്ടി പുതുനാടിനെന്നോതി..
സേനതന് തലവന്മാര് ഉണര്വായി നിന്നു
നിയമങ്ങള് മുന്നില് "അടിയനെ"ന്നോതി
കണ്ടില്ല ഞാനെന്റെ തോഴനെ പോലും
എതിര്ത്തവരെല്ലാം ശത്രുകളായി.
അരുതരുതെന്നോതി കരഞ്ഞമ്മ
ഭയന്നച്ഛന്റെ മോഹം മിഴികളടച്ചു...
താതന്റെ മോഹവും അമ്മേ നിന് സ്നേഹവും
തട്ടിയെറിഞ്ഞു കൊടി തന് വര്ണത്തിനായ്
ഒടുവില് വന്നെത്തി എനിക്കായി ഒരു ദിനം
അമ്മതന് കണ്ണീരു ചിതറിയ പോല് .
ചീറിത്തെറിച്ചെന് ചുടുചോര മണ്ണില്
സ്മാരകം തീര്ത്തവര് തോരണം ചാര്ത്തി..
വീണ്ടും രക്തസാക്ഷി പിറന്നു..
എന് നിണം പറ്റിയാ പാദങ്ങളെവിടെ ..
പാറിപറന്ന കൊടിതോരണങ്ങളെവിടെ..
രക്തം കുടിച്ചവര് മറന്നു പോയെന്നേ..
നഷ്ടങ്ങള് വീണ്ടും കണക്കെടുപ്പായി..
തോരാത്ത മിഴിയുമായ് അമ്മതന് സ്നേഹവും
തുറക്കാത്ത മിഴിയുമായ് അച്ഛന്റെ മോഹവും
എനിക്കായി കരയുവാന് ആ മിഴി മാത്രം
എനിക്കായി തേങ്ങുവാനിന്നുമാ മനം മാത്രം....
കൊതിക്കുന്നിന്നറിയാതെ, വൈകിയെന്നറിയിലും
മകനായി മരിക്കുവാന്, നാടിനഭിമാനമാകുവാന്
പുതുലോകം പിറക്കുന്നതെന് കുടിലില് നിന്നെന്നു
ഓര്ക്കാന് മറന്നു പോയ്, ആ ചോരത്തിളപ്പില്........
അവര്ക്കായി ഒരിറ്റു കണ്ണീരു വീഴ്ത്താം;
രക്തസാക്ഷിതന് ശവകുടീരത്തിനരികെ
പിന്നെ വെറുതെ അലറാം...വീണ്ടും
"രക്തസാക്ഷികള് പിറക്കാതിരിക്കാന്".
_Jithu_
Abudhabi
Abudhabi
Tuesday, January 25, 2011
നേര്ക്കാഴ്ച
ധര്മ്മത്തിന് പൊരുള് തേടി ഞാനീ കലിയുഗഭൂവില്...
കണ്ടില്ല അധര്മ്മത്തിന് കടലല്ലാതൊരിടമിന്നും...
നാടാകെ കത്തുമ്പോള് പാടുന്ന നീറോ...
കാടാകെ കരയുമ്പോള് ചിരിക്കുന്ന നീറോ.
പാതിയാം പെണ്ണിനെ ചൂത് കളിക്കുന്നു
ധര്മജന് നവയുധിഷ്ടിരകോലങ്ങള് ,
അബലയാം പെണ്ണിന്റെ ആടകളുരിയുന്ന
കൌരവസഭകള് ദേശം ഭരിക്കുന്നു
വിജയത്തിനേട്ടനാം കര്ണന്റെ കരളും പിളര്ക്കുന്ന
വില്ലാളിവീരര് അര്ജുനരിലും കണ്ടില്ല..
കളങ്കങ്ങള് കായലില് ഒഴുക്കി കരയുന്ന
അമ്മയാം കുന്തിയവളിലും കണ്ടില്ല..
ജാനകിയെ ത്യജിച്ച രാമനിലും തേടി
ജനിയെ ഹനിച്ച രേണുകാ തനയനിലും തേടി
അലഞ്ഞു ധര്മ്മത്തിന് കാതലും തേടി ഞാന്
ഒരാളും തന്നില്ല ധര്മ്മത്തിന് പൊരുളിന്നും..
പിന്നെയും തേടി ഞാന് ധര്മ്മത്തിനായി
പിന്നെയും തേടി ഞാന് ധര്മ്മത്തിനായി
ധര്മ്മപാലകന് കാര്വര്ണാ നിന്നിലും വന്നു..
ധര്മ്മത്തിനധര്മ്മം കല്പ്പിച്ച നിന്നില-
പൂര്ണമായ് എന് ധര്മ്മത്തിന് കാഴ്ചകള്...
പിന്നെ തിരിഞ്ഞു നടന്നീയെന്നില്ലും തേടി..
പൂര്ണമായ് എന് ധര്മ്മത്തിന് കാഴ്ചകള്...
പിന്നെ തിരിഞ്ഞു നടന്നീയെന്നില്ലും തേടി..
തരി പോലും കണ്ടില്ല ധര്മ്മത്തിന് നാമ്പുകള് ..
"ഞാനെനിക്കെന്റെ സ്വന്തം" എന്നുള്ളില് മദിക്കവേ
ധര്മ്മത്തിനുണ്ടോ മനതാരില് സ്ഥാനം.
ഹൃദയം കഴുകട്ടെ.നമ്മളൊന്നെന്ന പാഠം പഠിക്കട്ടെ,
പഠനം കഴിയട്ടെ സ്വയം തെളിയട്ടെ..
എന്നില് തുടങ്ങട്ടെ..നേരിന്റെ വാദം
ശേഷം തുടരാം ധര്മ്മാധര്മ്മത്തിന് നേര്ക്കാഴ്ച..,
_Jithu_
Abudhabi
Saturday, January 22, 2011
Friday, January 14, 2011
പൗര്ണമി
രജനീ മനോഹരി ...നിന് മോഹന ചാരുത...
ഇന്നെന്റെ നിനവില് രാഗമായ് പൊഴിയവേ.
സപ്തവര്ണ്ണങ്ങള് അകമേ നിറച്ചു
കാര്വര്ണ്ണ രൂപിണി നീ മോഹിനിയായി...
നിലാവിന് നാട്ടിലെ സുന്ദരി കുരുന്നുകള്
താരമായ് നല്കി വിലോചന സീമയില്
നിശാഗന്ധിയായ് നിന് ഉന്മത്തഗന്ധം
കുളിര്ത്തെന്നലായ് എന്നെ പതിയെ പുണര്ന്നു.
പൌര്ണമി.. നിന്നുടെ സുന്ദരവദനം
കോരിയെടുത്തു വാഞ്ഛിതമോടെ...
കളകളമൊരു ചെറുശിഞ്ചിതമോടെ
ഓളമായ് എന് ഓമല് ഓടിയകന്നു ...!
കാമുകനെന്നുടെ കുസൃതികള് ഇക്കിളി കൂട്ടെ..
ചേലയാല് പതിയെ നീ മുഖം മറച്ചു..
പിണങ്ങിയോ പനിമതി..എന്തിനീ രാവില്
മുഖം കറപ്പു ..ചേലയകറ്റു വീണ്ടും പുഞ്ചിരി തൂകു
നീലനിലാവില് പ്രണയാതുരമാം
തരളിതഹൃദയം, മനോര്മണി നിന്നുടെ
മനോഹരരൂപം..കവിതയായ് മൂളകെ
കള്ളിയവള് ചെറുപുഞ്ചിരി തൂവി.., അഞ്ചിതമോടെ
രജനീ മനോഹരി ...നിന് മോഹന ചാരുത...
രജനീ മനോഹരി ...നിന് മോഹന ചാരുത...
ഇന്നെന്റെ നിനവില് രാഗമായ്, ഹൃദയതാളമായ് .
_Jithu_
Abudhabi
Monday, January 10, 2011
അരസികന്
അരസികനാമൊരെന്നെ നീ കവിയെന്നു ചൊല്ലാതെ...
കവി ശ്രേഷ്ഠരതു കേട്ടേക്കാം,നിന് കാത് നൊന്തേക്കാം...
ഞാനണിഞ്ഞില്ല നിരാശതന് കഷായ വേഷം....
ചുമലില് പേറിയില്ല സഖി ആധുനിക തന് ഭാണ്ഡവും.
ഇല്ല, എനിക്കില്ല അഗാധമാം പാണ്ഡിത്യം,
അനുഭവമാം വെളിച്ചവും, അന്തരാല്മാവിന് കാഴ്ചയും.
നിനക്കായി നല്കുവാന് ഇല്ലെന്നില് ആശയം,
നേര്വഴി കാട്ടുവാനില്ലെന്നില് ധൈര്യവും.
ചെളിപുരണ്ടോരെന് മേനിയും
വിഴ്ചകള് ഏകിയോരാ മുറിവുകള് പോലും ,
നല്കുവതെങ്ങിനെ നേരായ കാഴചകള്
മിഴിരണ്ടും തുറന്നെന്നെ നീ നോക്കുക...
വാക്കുകളിലെന്നെ പരതാതിരിക്കുക.
ഇനിയും കവിയെന്നു ചൊല്ലാതിരിക്കുക
_Jithu_
Abudhabi
_Jithu_
Abudhabi
Friday, January 7, 2011
Saturday, January 1, 2011
സുന്ദരി
 |
| ഈ പുലരിയും സുന്ദരിയാണ്....,ഇലചാര്ത്തുകള്ക്കിടയിലൂടെത്തി നോക്കുന്ന ശാലീനയായ നാടന് പെണ്കൊടിയെ പോലെ......പ്രതീക്ഷകള് നല്കി അവള് കടന്നു വന്നു...ഇനിയും ഒരുപാട് പ്രതീക്ഷകള് ബാക്കി വെച്ച് കൊണ്ട് അവള് നടന്നു മറയും....ഒന്നും ഉരിയാടാതെ...തിരിഞ്ഞൊന്നു നോക്കുക പോലും ചെയ്യാതെ............. "പുതുവത്സരാശംസകള്" . |
ഈ പുലരിയില് .
പഴകിയ വാക്കുകള് തുടലില് പിടയുമ്പോള്........
വീണ്ടുമീ പുലരിയില്.. ശപഥങ്ങള് എടുക്കില്ല
പുതുവര്ഷപുലരിക്കു മറക്കുവാന് കഴിയുമോ,
അകതാരിന് അഴുക്കുകള് മായ്ക്കുവാന് കഴിയുമോ,
കാലചക്രങ്ങള് നിനക്കായ് കാക്കി
എന്തിനായ്, ഈ പുലരിയെ കാത്തു നില്ക്കേണം
നിമിഷങ്ങള് ഓരോന്നും അഴുക്കുകള് നിറയ്ക്കുമ്പോള്
നാളെകള്ക്കാകുമോ ശുദ്ധികലശങ്ങള് ആടുവാന്
പുണ്യയാം ഗംഗേ, അഴുക്കു ഞാന് നിന്നില് കഴുകില്ല..
അമ്മേ ഭൂമി...നിന്നിലും നിറക്കില്ല.
ഞാനാം ദേഹവും ദേഹിയും...അഗ്നിയ്ക്ക് നല്കും..
അവനെന്നെന്റെ അഴുക്കുകള് ഭസ്മമാക്കും...
പിന്നെയാ ചാരങ്ങള് ചുടുകാട്ടില് കരയും.....
കറുപ്പുള്ള സത്യങ്ങള് ഏറ്റുപാ
Abudhabi
Subscribe to:
Posts (Atom)